Accident Noida: نوئیڈا سڑک حادثے میں ایک کی موت، کئی زخمی

نوئیڈا میں پیر کے روز الگ الگ سڑک حادثے میں ایک کی موت ہوگئی جب کہ کئی لوگوں کا ہسپتال میں علاج چل رہا ہے۔ نوئیڈا سیکٹر 40 کے قریب شرابی نوجوان کار کے ساتھ نالے میں گرگیا، جسے پولیس اور لوگوں کی مدد سے ہسپتال پہنچایا گیا۔ وہیں نوئیڈا کے پرتھلا مارکیٹ میں دیر رات نشے میں دھت ٹیکسی ڈرائیور نے سات لوگوں کو روند ڈالا، جس میں ایک شخص کی موت ہوگئی اور دیگر کا علاج جاری ہے Road Accident Noida۔

نوئیڈا: اترپردیش کے نوئیڈا میں علی الصبح کو سیکٹر 40 کے قریب ایک شرابی نوجوان کار سمیت نالے میں گر گیا جس میں وہ شدید زخمی ہو گیا۔ پولیس نے اسے نالے سے نکال کر قریبی ہسپتال میں داخل کرایا Noida UP۔

سیکٹر 39 تھانہ انچارج نے بتایا کہ ایک نوجوان سیکٹر 136 میں رہتا ہے۔ وہ صبح کار سے سیکٹر 40 سے گزر رہا تھا کہ اس نے زیادہ شراب پی رکھی تھی۔ اس دوران نوجوان کنٹرول کھو بیٹھا اور اس کی کار سیکٹر 40 کے قریب نالے میں جاگری۔ حادثے میں نوجوان شدید زخمی ہو گیا۔ اطلاع ملتے ہی پولیس موقع پر پہنچ گئی۔

پولیس نے نوجوان کو نالے سے باہر نکال کر قریبی اسپتال میں داخل کرایا گیا ہے۔ بتایا جا رہا ہے کہ نوجوان نشے کی حالت میں تھا۔ پولیس نے کرین کی مدد سے کار کو نالے سے باہر نکالا۔

دوسری طرف نوئیڈا کے پرتھلا مارکیٹ میں دیر رات نشے میں دھت ٹیکسی ڈرائیور نے سات لوگوں کو روند ڈالا۔ اس حادثے میں موٹر سائیکل سوار ہمانشو، جو شاہجہاں پور کا رہائشی تھا، کی موت ہو گئی جبکہ اس کی بیوی کی حالت تشویشناک ہے۔ تمام زخمی اسپتال میں داخل ہیں۔ حادثے کے بعد بازار میں کہرام مچ گیا۔

لوگوں نے کیب ڈرائیور فیروز آباد کے رہائشی رجنی کانت کی پٹائی کی اور اسے پولیس کے حوالے کر دیا۔ کوتوالی سیکٹر 113 پولیس نے ہمانشو کے بھائی کی شکایت پر مقدمہ درج کرنے کے بعد ڈرائیور کو گرفتار کر لیا ہے۔