بہرائچ: ٹریکٹر ٹرالی نہر میں گری، ایک شخص کی موت

ریاست اترپردیش کے ضلع بہرائچ کے تھانہ فخرپور علاقے کے عزیزپور میں آج صبح نہر میں ایک ٹریکٹر ٹرالی گرگئی، جس میں ایک نوجوان کی موت ہو گئی۔

ٹرالی میں ڈرائیور کے ساتھ چار لوگ سوار تھے، جس میں ایک نوجوان کی موت ہوگئی اور تین زخمی ہوگئے۔ زخمیوں میں ایک کی حالت نازک بتائی جا رہی ہے۔

مقامی لوگوں کا کہنا ہے کہ 'ٹریکٹر ٹرالی جو کہ بارہ بنکی سے واٹر کارپوریشن کا پائپ لوڈ کر بہرائچ کو جاری رہی تھی کہ گہرے کہرے و ٹھنڈ کے سبب ٹریکٹر کا توازن بگڑ گیا اور وہ پل توڑتے ہوئے نہر میں جا گری جس پر ڈرائیور پریم چند، پردیپ سمیت تین لوگ سوار تھے۔ پردیپ کی موقع پر موت ہوگئی و تین لوگ زخمی ہوگئے۔

ٹریکٹر پر سوار چار افراد تھانہ قدری وٹھم گنج ضلع سونبھدر کے رہنے والے ہیں۔ سبھی زخمیوں کو ضلع اسپتال بہرائچ بھیج دیا گیا ہے، ایک زخمی جس کی حالت نازک ہے اسے لکھنو ریفر کیا گیا ہے۔ اس کی اطلاع اہل خانہ کو دے دی گئی ہے۔