بجنور: کانگریس کارکنان کی یک روزہ بھوک ہڑتال

بجنور میں کانگریس پارٹی دفتر پر کانگریس کارکنان نے کانگریس کے ریاستی صدر للو سنگھ کی رہائی کو لے کر یک روزہ بھوک ہڑتال کی۔

ریاست اترپردیش کے ضلع بجنور کے تھانہ کوتوالی شہر بجنور میں آج کانگریس پارٹی دفتر پر کانگریس کارکنان نے کانگریس کے ریاستی صدر للو سنگھ کی رہائی کو لے کر یک روزہ بھوک ہڑتال کرکے اپنی ناراضگی کا اظہار کیا ہے۔

کانگریس کمیٹی بجنور کے نائب صدر منیش تیاگی نے کہا کہ ریاستی حکومت نے غیر ضروری طور پر للو سنگھ پر بغاوت کا مقدمہ درج کیا ہے اور انہیں جیل کی سلاخوں میں دھکیل دیا ، اس کو کسی صورت برداشت نہیں کیا جائے گا۔

انہوں نے ریاست اور مرکزی حکومت پر سخت نکتہ چینی کی۔

منیش تیاگی نے کہا کہ اگر حکومت للو سنگھ کو جلد رہا نہیں کرتی ہے تو بہت جلد ہی ایک بڑے پیمانے پر احتجاج کیا جائے گا ۔