علی گڑھ: ہولی کھیلتے ہوئے چھت سے گرنے سے بچے کی موت

اترپردیش کے علی گڑھ شہر کے گاندھی پارک علاقے میں منگل کے روز ہولی کھیلتے ہوئے چھت سے گرنے سے ایک بچہ کی موت ہوگئی۔

پولیس کے ذرائع نے یہ اطلاع یہاں دی۔ انہوں نے بتایا کہ گاندھی پارک کے علاقے ڈوری نگر کا رہائشی ٹنکو شرما کا چھ سالہ بیٹا چھت پر بچوں کے ساتھ ہولی کھیل رہا تھا۔

اسی دوران، وہ بھاگتے ہوئے چھت سے گر گیا۔ بچے کو تشویشناک حالت میں میڈیکل کالج لے جایا گیا، جہاں علاج کے دوران اس کی موت ہوگئی۔