غازی آباد: پولیس تصادم میں انعامی بدمعاش گرفتار

ریاست اترپردیش میں غازی آباد کے سهاني گیٹ علاقے میں ہوئے پولیس تصادم میں 25 ہزار روپے کا ایک انعامی بدمعاش زخمی ہو گیا، جسے گرفتار کر لیا گیا جبکہ اس کا ساتھی فرار ہونے میں کامیاب رہا۔

سینئر پولیس سپرنٹنڈنٹ سدھیر کمار سنگھ نے بدھ کو یہ اطلاع دی۔

انہوں نے بتایا کہ 'منگل کی شب تقریبا ساڑھے دس بجے سهاني گیٹ علاقے میں پولیس مورٹي گاؤں کے جنگل میں چکنگ کر رہی تھی۔ اس دوران موٹر سائیکل سوار دو بدمعاشوں کو روکنے کی کوشش کی۔ خود کو گھیرا دیکھ کر بدمعاش پولیس پر فائرنگ کرتے ہوئے بھاگنے لگے۔'

جوابی کارروائی کرتے ہوئے پولیس نے بھی گولی چلائی جس میں ایک بدمعاش زخمی ہو گیا جبکہ اس کا ساتھی فرار ہونے میں کامیاب رہا۔

انہوں نے بتایا کہ 'زخمی بدمعاش نے اپنا نام آس محمد عرف آشو بتایا ہے ۔ وہ ضلع باغپت کے قصبہ بڈوت کا رہنے والا ہے۔ اس سے ایک تمچہ، کچھ کارتوس اور لوٹی گئی موٹر سائیکل برآمد کی گئی ہے ۔'

بدمعاش کے خلاف کئی معاملے درج ہیں ۔ اس کی گرفتاری پر 25 ہزار روپے کا انعام تھا۔

زخمی بدمعاش کو اسپتال بھیج دیا گیا ہے۔

پولیس فرار بدمعاش کی تلاش کر رہی ہے۔