بارہ بنکی : یوم نوجوان کے موقع پر تنج پنیا نے نوجوانوں سے گفتگو کی

ریاست اتر پردیش کے بارہ بنکی کے زیدپور قصبے میں کانگریس کے ایس سی ایس ٹی سیل زون وسط کے ریاستی صدر تنج پونیا کی جانب سے یوم نوجوان کے نوقع پر نوجوانوں کی بات، تنج پنیا کے ساتھ کا اہتمام کیاگیا۔ پروگرام میں شرکت کرنے آئے تمام نوجوانوں نے تنج پونیا سے مختلف سوالات کئے اور تنج پونیا نے ان کا جواب دیا۔

بارہ بنکی کے زیدپور قصبے میں کانگریس کے ایس سی ایس ٹی سیل زون وسط کے ریاستی صدر تنج پونیا نے کہا کہ نوجوان ملک کا مستقبل ہے تو کسان ملک کا سرمایہ ہے. لیکن بی جے پی حکومت میں دونوں ہی تباہ و برباد ہو گئے ہیں. دونوں کی تباہی ہی 2022 میں بی جے پی کے خاتمے کی عبارت لکھے گی۔

تنج نے مزید کہا کہ ہم دیکھ رہے ہیں کہ گزشتہ 4 برسوں میں بیروزگاری بربادی کی داستان لکھ رہی ہے. نوجوانوں کے ہاتھ میں ڈگری ڈپلومہ ہے لیکن روزگار نہیں. کووڈ-19 کی وباء کے چلتے پرائیویٹ سیکٹر کے ملازمین کا کام چلا گیا ہے. لیکن حکومت اس پر غور نہیں کر رہی ہے.

انہوں نے الزام لگایا کہ بی جے پی نوجوانوں کے ساتھ ایسا سلوک کر رہی ہے جیسے نوجوانوں سے اس کا کوئی لینا دینا نہیں ہے. انہوں نے نوجوانوں سے کہا کہ انہیں سوامی وویکانند سے نصیحت لینی چاہئے اور انہیں سوامی جی کے اٹھو، جاگو اور تب تک مت رکو، جب تک ہدف کے حاصل نہ ہوجائے اس وقت تک اپنے منزل کی جانب قدم بڑھاتے رہنا چاہیے۔