این این سنہا سکریٹری وزارت دیہی ترقی، حکومت ہند بھی میلے کے آخری دن سرس اجیویکا میلہ میں پہنچے اور خواتین کاریگروں کو تمام اسٹالز پر پہنچ کر حوصلہ افزائی کی۔ اس کے ساتھ میلے میں جوائنٹ سکریٹری چرنجیت سنگھ اور ڈائریکٹر آر پی سنگھ بھی موجود تھے۔
اتوار کی وجہ سے میلے میں دن بھر بھیڑ رہی، تمام اسٹالوں پر کپڑوں خصوصاً خواتین سے متعلقہ اسٹالز پر شاپنگ زبردست رہی۔ خریداری کے بعد لوگوں نے اس دن کی تھکن کو دور کرنے کے لئے ثقافتی پروگرامس بھری شام کا لطف اٹھایا۔
اترپردیش کے سرس اجیویکا میلہ اسٹال پر آج لوگوں کا ایک خاص ہجوم دیکھا گیا۔ اترپردیش کی سرس گیلری میں لکڑی سے بنے نئے فرنیچر نے لوگوں کو کافی متوجہ کیا ، سہارنپور سے تعلق رکھنے والی خواتین ہنر مند فنکار کا کہنا تھا کہ لوگوں نے ہماری فن دستکاری کو پسند کیا۔
نوتن دیوی نے بتایا کہ اس کے اسٹال نمبر (سی گیارہ) پر شہتوت کی ریشم کی ساڑھی خواتین کو بہت راغب کررہی ہے۔ نوتن نے بتایا کہ یہاں پانچ ہزار سے گیارہ ہزار تک کی ساڑیاں ہیں۔ ان کا یہ بھی کہنا ہے کہ ان ساڑیوں کو تیار کرنے میں سات سے نو ماہ لگتے ہیں۔