Mother Carries Son's Body On Cart In Meerut بوڑھی ماں بیٹے کے آخری رسومات کے لئے لاش ٹھیلے پر رکھ کر بھیک مانگنے پر مجبور

میرٹھ ضلع میں ایک ماں اپنے بیٹے کی لاش کو ٹھیلے پر رکھ کر بھیک مانگ رہی ہے جس کا ویڈیث سوشل میڈیا پر وائرل ہو گیا۔

میرٹھ: ریاست اتر پردیش کے ضلع میرٹھ میں گزشتہ روز ایک ویٹیو وائرل ہوا۔ جس میں ایک مجبور ماں اپنے بیٹے کی لاش کو ٹھیلے پر رکھ کر اس کی آخری رسومات کے لئے بھیک مانگ رہی ہے۔

ذرائع کے مطابق وائرل ویڈیو میرٹھ کے تھانہ میڈیکل علاقے کے تیج گڑھی چوراہے کا بتایا جا رہا ہے جہاں چوراہے کے قریب شراب کی دکان سے کچھ فاصلے پر ایک نوجوان کی لاش پڑی تھی۔ لوگ گھنٹوں وہاں سے گزرتے رہے لیکن کسی نے اس کی لاش پر توجہ نہیں دی۔ اس کے بعد دوپہر کو متوفی کی ماں اور اس کا چھوٹا بھائی نوجوان کی تلاش میں وہاں پہنچے اور بیٹے کی لاش دیکھ کر ماں بیچین ہو گئی جس کے بعد موقع پر لوگوں کا ہجوم جمع ہوگیا۔

لیکن مجبور ماں کی مدد کے لیے کوئی بھی آگے نہیں آیا۔ بعد میں متوفی کا چھوٹا بھائی اور اس کی والدہ کہیں سے ایک ٹھیلا لے کر آئے اور لاش کو اس میں رکھ کر سڑک پر چلتے رہے۔ لوگوں کے سامنے آخری رسومات ادا کرنے کے لیے ہاتھ جوڑتے پیسے مانگتے رہے لیکن معقول رقم جمع نہ ہو سکی۔

یہ سب کچھ دیکھ رہے تیج گڑھی چوکی انجارج امت ملک سے جب بزرگ خاتون نے اپنے بیٹے کی لاش کی آخری رسومات کے لیے مدد مانگی، جس کے بعد میرٹھ پولیس نے بوڑھی ماں کے بیٹے کی لاش کی شناخت کروائی اور آخری رسومات کے لیے پیسے جمع کیے۔