ریاست اترپردیش کے شہر رامپور میں یوم تصفیہ کا اہتمام کیا گیا جہاں اے ڈی ایم اور ایس ڈی ایم نے لوگوں کے مسائل سُن کر ان کے تصفیہ کی یقین دہانی کرائی۔
اس موقع پر ضلع کے دیگر افسران بھی موجود رہے۔ اس دوران کورونا وائرس کے خطرے کے پیش نظر تحصیل صدر میں ہائی الرٹ نظر آیا۔
ریاستی حکومت کی ہدایات کے مطابق دیگر اضلاع کی طرح رامپور میں بھی یوم تصفیہ کا اہتمام کیا گیا۔
اس موقع پر اے ڈی ایم رام بھرت تیواری اور دیگر افسران نے تحصیل کے دفتر پہنچ کر لوگوں کے مسائل کو سنا۔
ایڈیشنل ضلع انتظامیہ نے بتایا کہ 'کُل 32 معاملے سامنے آئے جن میں سے چار معاملات کا موقع پر ہی تصفیہ کر دیا گیا جبکہ دیگر معاملوں پر جانچ کے بعد کاروائی کی یقین دہانی کرائی گئی ہے۔
مشن شکتی مہم کے تحت یوم تصفیہ کے موقع پر اے ڈی ایم نے تمام افسران اور پولیس اہلکاروں کو خواتین کی حفاظت کے لیے حلف بھی دلایا۔
یوم تصفیہ کے موقع پر کورونا وائرس کے پیش نظر تحصیل دفتر میں سماجی فاصلہ کا خاص خیال رکھا گیا۔