کورونا وائرس وباء کے آنے سے پہلے ملک بھر میں این آر سی اور این پی آر کے خلاف خواتین مظاہرے پر بیٹھی تھیں۔ حکومت نے ہر ممکن کوشش کرکے مظاہرے کو ختم کرنے کی کوشش کی لیکن ناکام رہی۔
اترپردیش میں این پی آر اگلے حکم تک کے لیے ملتوی
ملک بھر میں این آر سی اور این پی آر کے خلاف زبردست احتجاج کیا گیا جسے دبانے کی ہر ممکن کوشش کی گئی لیکن حکومت ناکام ثابت ہوئی۔ اب کورونا وائرس کے سبب ریاست اترپردیش میں این پی آر اگلے حکم تک کے لیے ملتوی کر دیا گیا ہے۔
اترپردیش میں این پی آر اگلے حکم تک کے لیے ملتوی
مسلم خواتین کا صاف کہنا تھا کہ جب تک این آر سی، این پی آر کے فیصلے کو حکومت واپس نہیں لیتی ہے تب تک ہمارا احتجاج جاری رہے گا لیکن جیسے ہی کورونا وائرس نے بھارت میں دستک دی، سبھی مظاہرے کو ملتوی کر دیا گیا۔
اب وزارت داخلہ کی جانب سے سبھی ریاستوں کے چیف سیکریٹری کو بتایا گیا ہے کہ کورونا وائرس کی وجہ سے اگلے حکم تک این پی آر ملتوی کیا جا رہا ہے۔
اترپردیش چیف سیکریٹری جیتندر کمار نے صوبے کے سبھی کمشنر اور ڈی ایم کو حکم نامہ بھیجا ہے کہ کورونا وائرس کی وجہ سے اگلے حکم تک این پی آر ملتوی کیا جا رہا ہے۔
اب دیکھنا ہوگا کہ لاک ڈاؤن کے بعد حکومت این پی آر کی کارروائی کب شروع کرتی ہے کیونکہ جب بھی شروعات ہوگی احتجاج ہونا طے ہے۔