وکاس دوبے کا ساتھی اروند تریویدی ممبئی سے گرفتار

ریاست اترپردیش کے ضلع کانپور کے چوبے پور میں پولیس اور وکاس دوبے کے غنڈوں کے مابین گزشتہ دنوں تصادم ہوا تھا جس میں ڈی ایس پی دیویندر مشرا سمیت ان کی آپریشن ٹیم میں شامل آٹھ پولیس اہلکار ہلاک ہو گئے تھے۔ واقعے کے بعد سے ملزم وکاس دوبے فرار تھا جو کل پولیس انکاؤنٹر میں ہلاک ہوگیا۔

پولیس دیگر ملزمان کو تلاش کر رہی ہے جو پولیس پر حملہ کرنے کے بعد فرار ہوگئے تھے۔ ایک اہم ملزم اروند تریویدی عرف گڈن کو ممبئی اے ٹی ایس اسکواڈ کے جوہو یونٹ نے تھانہ کولشیت سے گرفتار کیا ہے۔

وکاس دوبے کے ساتھی فرار ملزمین

یہ کارروائی، جوہو اے ٹی ایس یونٹ کے دیا نائک کو موصولہ خفیہ اطلاع کی بنیاد پر کی گئی۔ وکاس دبے کا قریبی ساتھی اروند تریویدی تھانہ کولشیت میں روپوش تھا۔ اسی کے مطابق پولیس نے تھانہ کولشیٹ میں جال بچھایا اور اسے گرفتار کیا۔

ملزم اروند عرف گڈن تریویدی (46) اور ڈرائیور سشیل کمار عرف سونو سریش تیواری (30) کو گرفتار کر لیا گیا ہے۔

اروند تریویدی وکاس دوبے کے ساتھ 2001 میں اتر پردیش کے چوبے پور تھانے کے تحت اس وقت کے وزیر مملکت سنتوش شکلا کے قتل میں ملوث تھا۔

اترپردیش پولیس نے اس کے لیے نقد انعام کا اعلان کیا تھا۔ ملزم کو گرفتار کرلیا گیا ہے اور اترپردیش پولیس کے ایس ٹی ایف کو آگاہ کردیا گیا ہے۔