این جی ٹی نے چیف سکریٹری کو احکامات پر عمل کرنے میں غفلت برتنے والے عہدیداروں کے خلاف کارروائی کا حکم دیتے ہوئے کہا کہ پینے کے پانی کی فراہمی کے لیے ڈی پی آر کی منظوری میں تاخیر کرنے والے عہدیداروں کے خلاف سخت کارروائی کی جائے گی، چیف سکریٹری کو ہدایت دیتے ہوئے کہا کہ وہ تین ہفتوں میں کارروائی کرے اور این جی ٹی کو رپورٹ پیش کرے۔
این جی ٹی نے رپورٹ میں پایا تھا کہ متاثرہ گاؤں کے 148 میں سے صرف 41 میں پانی کا نظام موجود ہے۔ باقی 107 گاؤں میں پینے کے پانی کے انتظامات کے لیے ڈی پی آر کی منظوری نہیں ملی ہے۔
این جی ٹی نے کہا کہ رپورٹ میں پانی کے معیار کا بھی ذکر نہیں کیا گیا ہے۔ آلودہ پانی کی فراہمی کرنے والے 1088 ہینڈ پمپ ہٹا دیئے گئے ہیں جبکہ صحت سے متعلق رپورٹ میں کہا گیا ہے کہ سنگین بیماریوں میں مبتلا افراد کی تعداد کافی ہے ، ان میں سے بہت سے لوگوں کو کینسر ہوچکا ہے ، جو بڑے اسپتالوں میں زیر علاج ہیں۔