ملک کے معروف تعلیمی اداروں میں سے ایک علیگڑھ مسلم یونیورسٹی (اے ایم یو) کے تقریبا 1600 غیر تدریسی ملازمین اپنی دسمبر ماہ کی رکی ہوئی تنخواہ اور کچھ ملازمین کی ملازمت کی توسیع کے مطالبات کو لے کر گزشتہ دس روز میں تین بار یونیورسٹی کیمپس کے اندر انتظامیہ بلاک اور وائس چانسلر لاج پر احتجاج کرکے میمورنڈم دے چکے ہیں۔ آج ملازمین نے اپنے سر اور بازوں پر سیاہ پٹی باندھ کر اپنی خدمات انجام دے رہے ہیں۔اطلاع کے مطابق غیر تدریسی ملازمین ایک بار پھر بڑے پیمانے پر احتجاج کریں گے،اس کے علاوہ وہ اگر یونیورسٹی انتظامیہ نے ان کی مطالبات اور مسائل پر توجہ نہیں دیا تو اور ہڑتال بھی کر سکتے ہیں۔AMU Non Teaching staff on duty with black patty
اس پورے معاملے پر یونیورسٹی انتظامیہ کی جانب سے جمعہ کے روز بیان جاری کیا گیا، جس میں کہا گیا تھا کہ حکومت کی جانب سے جب تنخواہ آجائے گی کو ملازمین کو دے دی جائیگی اور چھہ ماہ کے لئے ملازمین کی ملازمت میں توسیع کردی گئی ہے۔ملازمین کا کہنا ہے یونیورسٹی انتظامیہ نے گزشتہ کئی برسوں سے سلیکشن کمیٹی کیوں نہیں کروائی، یونیورسٹی میں غیر تدریسی ملازمین کثیر تعداد ہے، جو ڈیلی ویجرز پر اپنی خدمات انجام دے رہی ہے۔ ہر سال یونیورسٹی انتظامیہ 31 دسمبر کو ایک سال کے لئے ملازمین کی ملازمت کی توسیع کر تے ہیں،لیکن اس بار توسیع نہیں کی گئی جس سے ہمیں اندازہ ہوا کہ ہمیں ملازمت سے نکالنے کی تیاری کی جا رہی ہے، اسی لیے ہم نے بڑے پیمانے 31 دسمبر کے روز انتظامیہ بلاک پر احتجاج کیا، جس کے بعد صرف چھہ مہینے کی مدت تک کی توسیع کی گئی وہ بھی تمام ملازمین کی نہیں کی گئی ہے، اسکے علاوہ ہماری تنخواہ بھی رکی ہوئی ہے، جس کو بحال کرنے کے لئے کئی مرتبہ مطالبہ کر چکے ہیں۔ملازمین کو کہنا ہے اب ہمیں تنخواہ سے زیادہ ملازمت کی فکر ہے، ہماری ملازمت اب مستقل کی جائے۔
