نوئیڈا : نومولود کی موت کی انکوائری کے لئے دو رکنی کمیٹی کی تشکیل

اتر پردیش کے شہر نوئیڈا کے ایک اسپتال میں نومولود بچے کو مناسب طبی خدمات کی عدم فراہمی کے سبب موت کے واقعہ پر برہمی کا اظہار کرتے ہوئے چیف میڈیکل آفیسر ڈاکٹر دیپک اوہری نے واقعے کی تحقیقات کے لئے ڈاکٹروں پر مشتمل دو رکنی ٹیم تشکیل دی ہے۔

اس ٹیم میں ڈسٹرکٹ سرویلنس آفیسر ڈاکٹر سنیل دوہر ے اور ایڈیشنل چیف میڈیکل آفیسر ڈاکٹر سنجیو منگلک شامل ہیں۔ تشکیل کردہ کمیٹی معاملات کی سنجیدگی سے تحقیقات کرے گی ۔

انکوائری رپورٹ ملنے کے بعد اس معاملے میں ملوث افراد کے خلاف کارروائی کی جائے گی۔ ڈاکٹر اوہری نے کہا ہے کہ رپورٹ آنے کے بعد جس نے بھی کوتائی اور تساہلی برتی اسے کسی صورت میں بخشا نہیں جائے گا۔۔

بتایا جا رہاہے کہ اسپتال کے عملے کی عدم توجہی کے باعث اس نومولود بچے کی جان چلی گئی تھی۔کنبہ کے لوگوں نے طبی عملہ پر غیر ذمہ داری کا الزام عائد کیا۔