اترپردیش میں نوئیڈا مہانگر کانگریس کے صدر رام کمار تنور کی قیادت میں آج مشہور سماجی کارکن، یوگا انسٹرکٹر، موٹیویشنل اسپیکر، ویدک ڈاکٹر شریا راٹھور دیب نے کانگریس پارٹی میں شمولیت اختیار کرلی۔
اس موقع پر نوئیڈا مہا نگر صدر تنور نے کہا کہ پرینکا گاندھی کی کوششوں اور اعلان کے بعد کانگریس میں تیزی سے خواتین کی شمولیت ہو رہی ہے ۔ اتر پردیش میں خواتین کانگریس پارٹی سے جڑ کر خود کو محفوظ محسوس کر رہی ہیں۔
شریا راٹھور نے کہا کہ پرینکا گاندھی جس طرح سے خواتین کو عزت و احترام دے رہی ہیں اس سے خواتین میں جوش و ولولہ پایا جارہا ہے۔کانگریس نے خواتین کو مرکزی دھارے میں آنے کا موقع فراہم کیا ہے جس سے کانگریس پارٹی سے خواتین کی وابستگی میں تیزی سے اضافہ ہو رہا ہے ۔ ہم گھر گھر جا کر پرینکا گاندھی کے پیغامات کو ہر عام آدمی اور خواتین تک پہنچانے کا کام کریں گے۔