نوئیڈا: پولیس انکاؤنٹر میں ایک بدمعاش زخمی

زخمی بدمعاش کی شناخت طاہر کے طور پر پر ہوئی ہے، طاہر غازی آباد کا رہائشی بتایا جا رہا ہے، وہ انٹراسٹیٹ مویشی اسمگلر بھی ہے۔

نوئیڈا پولیس پھر انکاؤنٹر کے موڈ میں آگئی ہے، پولیس کے مطابق نوئیڈا کے سیکٹر 58 تھانہ کے نوادا گاؤں کے قریب چیکنگ کے دوران شرپسند عناصر کے درمیان تصادم ہوا، فائرنگ کے تبادلہ میں پولیس کی گولیوں کی زد میں آنے سے 25 ہزار کا انعامی بدمعاش زخمی ہو گیا۔

پولیس ریکارڈ میں اکثر انعامی بدمعاش سے ہی انکاؤنٹر ہوتا ہے، زخمی بدمعاش کا دو ساتھی اتفاق سے فرار ہونے میں کامیاب ہوگیا، جائے وقوع سے ایک موٹرسائیکل اور غیر قانونی اسلحہ برآمد ہوا ہے۔

زخمی بدمعاش کی شناخت طاہر کے طور پر پر ہوئی ہے، طاہر غازی آباد کا رہائشی بتایا جا رہا ہے، وہ انٹر اسٹیٹ مویشی اسمگلر بھی ہے۔

پولیس نے بتایا کہ زخمی طاہر کو علاج کے لیے نجی اسپتال میں داخل کرایا گیا ہے، جبکہ اس کے دو ساتھیوں کی تلاشی کی جا رہی ہے، یہ انکاؤنٹر سیکٹر 58 پولیس اسٹیشن کے علاقے نوادا گاؤں کے قریب ہوا۔