Noida Police Alert: ادے پور معاملہ کے بعد نوئیڈا پولیس الرٹ، تمام مذہبی رہنماؤں کے ساتھ اجلاس

نوئیڈا پولیس ادے پور میں ٹیلر کنہیا لال کے قتل کے بعد مستعد ہوگئی ہے۔ پولیس کے اعلیٰ افسران تمام مذاہب کے مذہبی رہنماؤں اور پیشواؤں سے ملاقات کر کے امن قائم کرنے کی اپیل کر رہے ہیں۔ Noida Police Alert after Kanhaiya Case

نوئیڈا:راجستھان کے ادے پور میں ٹیلر کنہیا لال کے قتل کے بعد نوئیڈا پولیس بھی الرٹ ہوگئی ہے۔ پولیس نے نوئیڈا کی سرحدوں اور اہم مقامات پر سختی بڑھا دی ہے۔ پولیس کے اعلیٰ افسران تمام مذاہب کے مذہبی رہنماؤں اور پیشواؤں سے ملاقات کر کے امن قائم کرنے کی اپیل کر رہے ہیں، ساتھ ہی پولیس سوشل میڈیا پر بھی مسلسل نظر رکھے ہوئے ہے تاکہ کسی قسم کا ماحول خراب نہ ہو۔ اس واقعے کے بعد پورے ملک میں کشیدگی کا ماحول ہے۔ Noida Police Alert after Kanhaiya Case Meeting with all Religious Leaders

نوئیڈا کے سیکٹر-6 میں واقع این ای اے آڈیٹوریم میں ایڈیشنل ڈی سی پی رنوجے سنگھ اور اے سی پی-2 رجنیش ورما کی قیادت میں تمام مذاہب کے مذہبی رہنماؤں کے ساتھ ایک میٹنگ ہوئی۔ اجلاس میں تمام مذاہب کے مذہبی رہنماؤں کو مدعو کیا گیا تھا۔ سب کو ایک پلیٹ فارم پر اکٹھا کرکے نوئیڈا پولیس نے اتحاد اور بھائی چارے کا پیغام دینے کا کام کیا ہے۔ نوئیڈا پولیس نے لوگوں سے کمشنریٹ میں امن و امان برقرار رکھنے کی اپیل کی ہے۔

• NIA On Udaipur Case: کنہیا لال قتل معاملہ میں کسی دہشت گرد تنظیم کا کنکشن نہیں
  رن وجے سنگھ نے کہا کہ تمام اسٹیشن انچارجوں کو بھی کہا گیا ہے کہ وہ اپنے اپنے علاقوں میں تمام نمائندوں کے ساتھ میٹنگ کریں اور امن و امان قائم کرنے میں تعاون کرنے کی اپیل کریں۔ انہوں نے میٹنگ میں کہا، “اس میٹنگ کا مقصد ضلع میں امن و امان کو برقرار رکھنا ہے۔ آپ سب کو تعاون کی دعوت دی جاتی ہے۔ اگر کسی بھی معاشرے میں کوئی سماج دشمن عنصر نظر آئے یا سوشل میڈیا پر جعلی خبریں وائرل ہوں تو فوری طور پر اس کی اطلاع پولیس کو دیں۔

پولیس نے سخت الفاظ میں واضح کردیا ہے کہ ایسے لوگوں کے خلاف سخت کارروائی کی جائے گی۔ ایڈیشنل ڈی سی پی نوئیڈا رنوجے سنگھ نے کہا کہ شہر میں امن و امان کو برقرار رکھنے کے لیے شہر کے تمام بھیڑ والے علاقوں میں پولس گشت بڑھا دیا گیا ہے۔