اترپردیش کے گوتم بدھ نگر نوئیڈا میں بلڈ بنک کے تین یونٹ FRU (فرسٹ ریفرل یونٹ) کمیونٹی ہیلتھ سنٹر بھنگیل، دادری، بادل پور میں قائم کیے گئے ہیں۔
بھنگیل میں چیف میڈیکل آفیسر ڈاکٹر سنیل کمار شرما نےاس کا افتتاح کیا۔کمیونٹی ہیلتھ سنٹر بھنگیل سینٹر میں بلڈ اسٹوریج یونٹ کا افتتاح کرتے ہوئے چیف میڈیکل آفیسر ڈاکٹر سنیل کمار شرما نے کہا کہ ڈسٹرکٹ جوائنٹ ہسپتال کی طرف سے حکومتی سطح پر گائڈ لائن کے مطابق ہر بلڈ گروپ کے خون کے دو یونٹ ہر بلڈ سٹوریج یونٹ کے اندر رکھنے کا انتظام ہے۔
ایڈیشنل چیف میڈیکل آفیسر ڈاکٹر بھرت بھوشن نے بتایا کہ بھنگیل ، بادل پور اور دادری بلڈ اسٹوریج یونٹس کے آغاز سے حاملہ کو کم ہیموگلوبن کی ترسیل کے دوران خون فراہم کرنے میں آسانی ہو گی۔
یہ بھی پڑھیں:نوئیڈا میں ایمبولینس حادثے کا شکار
بلڈ اسٹوریج یونٹ سے کمیونٹی ہیلتھ سنٹر میں ایمرجنسی ضرورت کے مریضوں کو بھی خون مہیا کیا جائے گا۔بلڈ اسٹوریج یونٹ بھنگیل کے افتتاح کے موقع پر میڈیکل سپرنٹنڈنٹ ڈاکٹر یتیندر سنگھ، سرجن ڈاکٹر صبیحہ مظہر ، ڈسٹرکٹ کنسلٹنٹ راجندر ، ہسپتال منیجر ایس ایم ترپاٹھی ، لیب ٹیکنیشن وجے چودھری اور راہول تومر ، ایل اے آکاش شرما ، کوالٹی ایڈمن گوبند پانڈے ، دھرمیندر پال ، نریش وغیرہ موجود تھے۔
کمیونٹی ہیلتھ سنٹر بھنگیل کے میڈیکل سپرنٹنڈنٹ ڈاکٹر یتیندر سنگھ نے بتایا کہ یہاں بلڈ اسٹوریج یونٹ کے کھلنے سے ضرورت مندوں کو خون کی دستیابی برقرار رہے گی۔
انہوں نے بتایا کہ کئی بار خواتین کو ڈلیوری کے دوران خون کی ضرورت پڑنے پر بلڈ بینکوں پر انحصار کرنا پڑتا ہے۔ بلڈ بینک نہ ہونے کی وجہ سے مریض کے لواحقین کو کافی پریشانیوں کا سامنا کرنا پڑا۔ انہوں نے بتایا کہ کمیونٹی ہیلتھ سنٹر بھنگیل میں سیزرین آپریشن کی سہولت موجود ہے۔
