نوئیڈا ایمپلائز ایسوسی ایشن کا انتخاب کل ہوگا

نوئیڈا ایمپلائز ایسوسی ایشن کے صدر راج کمار چودھری نے آج ایک پریس کا انعقاد کیا جس میں انہوں نے اپنے پینل کا منشور جاری کیا اور اپنی جیت کا دعویٰ بھی کیا۔

اتر پردیش کے ضلع گوتم بدھ نگر میں نوئیڈا ایمپلائز ایسوسی ایشن کا الیکشن 25 اگست کو ہوگا، ایک ہزار سے زائد نوئیڈا اتھارٹی کے ملازمین ایسوسی ایشن کے انتخابات میں حصہ لیں گے۔

اس دوران موجودہ نوئیڈا ایمپلائز ایسوسی ایشن کے صدر راج کمار چودھری نے ایک پریس کا انعقاد کیا جس میں انہوں نے اپنے پینل کا منشور جاری کیا اور اپنی جیت کا دعویٰ بھی کیا۔

پریس کانفرنس میں انہوں نے کہا کہ حزب اختلاف کشل پال پینل سے ہمارا کوئی مقابلہ نہیں ہے، ایسوسی ایشن کے سبھی عہدوں پر ہمارے امیدوار جیت درج کر رہے ہیں۔

اس درمیان پریس کانفرنس میں اس پینل کی حمایت کرنے والی ایسوسیشن کے سربراہان بھی موجود تھے۔ جنہوں نے موجودہ صدر کی حمایت کا اعلان کیا۔

واضح رہے کہ راج کمار پینل کا مقابلہ کشل پال چودھری کے پینل سے ہے جو اس سے قبل 14 سال تک ایسوسی ایشن کے صدر رہے تھے۔