کورونا وائرس ملک کے ہر خطہ میں تیزی سے بڑھتا جا رہا ہے۔ حکومتی سطح پر اس وباء سے بچاؤ کے طریقے پر عمل آوری جاری ہے۔
قومی دارالحکومت دہلی سے متصل اہم صنعتی شہر نوئیڈا میں بھی تیزی سے یہ وباء پھیلتی جا رہی ہے۔ مرض رکنے کے بجائے بڑھتا ہی جا رہا ہے۔ مریضوں اور مرنے والوں کی تعداد میں دن بدن اضافہ ہوتا جا رہا ہے۔
اترپردیش کے شہر نوئیڈا میں آج بھی تین کورونا مثبت مریض ملے ہیں۔ سیکٹر 45، سیکٹر 80 اور 18 میں اس کی تصدیق ہوئی ہے۔ اس طرح ضلع میں کورونا سے متاثرہ مریضوں کی تعداد بڑھ کر 112 ہو گئی ہے۔ اس پر قابو پانے کے لیے نوئیڈا انتظامیہ نے پورے ضلع کو تین زون میں تقسیم کردیا ہے۔ ریڈ زون، اورینج زون اور گرین زون۔
ریڈ زون کو خطرناک قرار دیا گیا ہے۔ وہاں کسی بھی طرح کی رعایت نہیں ملے گی۔ لیکن اورینج اور گرین زون کے لیے مختلف سہولیات اور رعایت فراہم کی جائیں گی۔