نوئیڈا میں کورونا کیسز میں تشویشناک اضافہ

نوئیڈا گوتم بدھ نگر میں عوامی اور انتظامی لاپروائی اور تساہلی برتنے کا انجام نظر آنے لگا ہے۔ نوئیڈا گوتم بدھ نگر میں آج کورونا کیسز میں زبردست اضافہ دیکھنے میں آیا ہے۔

کورونا وائرس کے 242 نئے کیسز رپورٹ ہوئے ہیں، وہیں آج کورونا سے ایک مریض کی موت بھی ہو گئی ہے۔

اب تک 51 لوگ کورونا سے فوت ہو چکے ہیں، جبکہ 218 مریض شفایاب بھی ہوئے ہیں۔

کورونا سے شفایاب ہونے والوں کی تعداد 10479 ہو گئی ہے، جبکہ 1723 مریض ضلع کے مختلف اسپتالوں میں زیر علاج ہیں۔