غیر قانونی ہورڈنگز لگانے پر بلڈروں پر کروڑوں کا جرمانہ

نوئیڈا ڈیولپمنٹ اتھارٹی نے شہر میں غیر قانونی ہورڈنگز لگانے والے بلڈروں کے خلاف سخت کارروائی کی ہے۔ 13 بلڈروں کو مالی جرمانہ عائد کیا گیا ہے۔ ان پر تقریباً 3 کروڑ 19 لاکھ 89 ہزار 600 روپے جرمانہ عائد کیا گیا ہے۔

اتھارٹی کی سی ای او ریتو مہیشوری نے غیر قانونی ہورڈنگز کو ہٹانے سے متعلق حکم جاری کیا تھا۔

نوئیڈا اتھارٹی کو غیر قانونی ہورڈنگز سے متعلق شکایات موصول ہو رہی تھیں۔اس کی حقیقت کو جانچنے کے لئے اتھارٹی کے اعلیٰ عہدیدار نوئیڈا سیکٹر 150 میں پہنچ گئے۔ وہاں انہوں نے پایا کہ بہت سارے بلڈروں نے بغیر کسی اجازت کے اپنے کیمپس میں غیر قانونی طور پر ہورڈنگز لگا رکھی تھیں۔ فوری کارروائی کرتے ہوئے ان سب پر جرمانہ عائد کردیا گیا۔ ایک سخت انتباہ دیتے ہوئے چیف ایگزیکٹو آفیسر ریتو مہیشوری نے کہا ہے کہ شہر میں کوئی بھی غیر قانونی پول اور ہورڈنگز نہیں لگائے جائیں۔ بصورت دیگر آئندہ بھی ضابطہ کے مطابق مزید کارروائی کی جائے گی۔

ان بلڈروں پر جرمانہ عائد کیا گیا ہے۔

ارتھم - 600،000

اے ٹی ایس ہومکرافٹ - 54،00،000

اے ٹی ایس انفراسٹرکچر- 9000،000

گودریج پام ریٹریٹ - 37،50،000

گلشن بوٹنیہ - 240،000

مہاگن - 504،000

پرتک کینری - 1680،000

سمرودھیی لکزریا ایونیو - 4،80،000

ایس کے اے اورین - 240،000

ٹاٹا ویلیو ہومز - 43،20،000

ٹریبیکا سٹی سنٹر - 570،000

الفا ریجڈینس- 2160،000

گودریج نیسٹ - 28،80،000