راشٹریہ بیٹی بچاؤ منچ کے زیر اہتمام کینڈل مارچ کیا گیا۔ سترکھ ناکہ واقعہ امبیڈکر پارک میں کینڈل مارچ کے لیے کثیر تعداد میں خواتین اور مرد جمع ہوئے۔
مظاہرین نے ہاتھو میں موم بتی لیکر، نعرہ بازی کرتے ہوئے پٹیل تراہی تک مارچ کیا۔
اس موقع پر راشٹریہ بیٹی بچاؤ منچ صدر اجئے کمار واجپائی نے کہا کہ، 'عوام کو ایسے مسائل کے خمیازہ بھگتنے کے لئے تیار رہنا ہوگا۔'
انہوں نے حکومتوں کی آگاہ کیا کہ، 'اگر ایسی واردات کے ملزمین پر جلد سخت کارروائی نہیں کی گئی تو ایک روز عوام خود ان کو سزا دینے کے لئے مجبور ہو جائے گی۔'
مزید پڑھیں:
واضح رہے کہ حال ہی میں ہریانہ کے بلبھ گڑھ میں بی کام کی طالبہ نیکیتا تومر کی 26 اکتوبر کو شام 4 بجے بیچ سڑک پر گولی مار کر قتل کردی گئی تھی۔ اس واردات کو توصیف نامی ایک لڑکے نے اپنے ساتھی روہن کے ساتھ مل کر انجام دیا تھا۔ لڑکی کو صرف اس لیے گولی ماری گئی کیونکہ اس نے لڑکے کی شادی کی تجویز کو مسترد کردیا تھا۔