AMU Student گرفتار فیضان انصاری اے ایم یو کا طالب علم ہے

فیضان انصاری نامی 19 سالہ لڑکے کو کچھ روز قبل نیشنل انویسٹیگشن ایجنسی (ای آئی اے) نے حراست میں لیا تھا جو علیگڑھ مسلم یونیورسٹی میں گریجویشن کا طالب علم ہے۔

علیگڑھ:اطلاع کے مطابق نیشنل انویسٹیگسن ایجنسی (NIA) نے علی گڑھ مسلم یونیورسٹی (اے ایم یو) میں زیر تعلیم ایک 19 سالہ طالب علم فیضان انصاری کو آئی ایس آئی ایس کا رکن ہونے کے الزام میں، جھارکھنڈ میں اس کے گھر اور ضلع علیگڑھ میں کرائے پر رہائش کی تلاشی لینے کے بعد گرفتار کیا ہے۔

جھارکھنڈ کے لوہردگا ضلع میں فیصان کے گھر اور ریاست اترپردیش کے ضلع علی گڑھ میں کرائے کے کمرے کی تلاشی لی گئی۔ یہ کیس این آئی اے کے ذریعہ 19 جولائی کو تعزیرات ہند اور غیر قانونی سرگرمیاں (روک تھام) ایکٹ کی متعلقہ دفعات کے تحت درج کیا گیا تھا۔

اطلاع کے مطابق علیگڑھ تھانہ سول لائن کے علاقے جمالپور میں جہاں فیضان انصاری کی کرائے کے کمرے میں رہائش تھی کی گزشتہ شب این ائی اے کی ٹیم کی جانب سے تلاشی لی گئی تھی۔ جس کے بعد سے ہی اے ایم یو انتظامیہ حرکت میں ایا اور فیضان کا اے ایم یو سے تعلق سے متعلق ریکارڈ کی چھان بین کی جس میں معلوم چلا کے وہ اے ایم یو طالب علم ہے جس کا داخلہ گزشتہ برس گریجویشن میں ہوا تھا۔

یونیورسٹی پراکٹر پروفیسر محمد وسیم علی نے بتایا فیضان انصاری جس کو حراست میں لیا گیا ہے وہ اے ایم یو کا طالب علم ہے، کیونکہ اس کو یونیورسٹی ہال میں کمرا الاٹ نہیں ہوا تھا اس وجہ سے باہر کہیں رہتا تھا۔

سوال کا جواب دیتے ہوئے پراکٹر نے مزید بتایا گزشتہ ایک سال میں اس کے خلاف کبھی بھی کسی طرح کی کوئی شکایت ہمارے پاس نہیں آئی ہے۔کیونکہ فیضان اب حراست میں ہے .اس کے خلاف قانونی کارروائی شروع ہو گئی ہے اس لئے اگر ہمیں کوئی آرڈر یا حدایت ملتی ہے کہ یونیورسٹی فیضان کے خلاف کروائی کریں تو یونیورسٹی اپنے قانون کے مطابق کروائی کریں گی۔

فیصان انصاری:
فیضان انصاری کی پیدائش 10 جلائی 2004 کو ہوئی تھی، عمر 19 سال اور والد کا نام فیروز انصاری اور والدہ کا نام انجم پروین ہے۔ اس کا داخلہ گزشتہ برس گریجویشن میں تعلیمی سال 2022-23 میں شعبہ معاشیات میں ہوا تھا وہ بی اے سال اول کا طالب ہے۔ رواں برس اس کا سال دوم میں کنٹیونیشن ہونا تھا۔ فیضان کو سر سید ہال (شمال) آلاٹ ہوا تھا لیکن اس کو ہال میں کمرا نہیں ملا تھا جس کی وجہ سے اس کی رہائس یونیورسٹی کیمپس کے باہر کہیں کرائے پر تھی۔