اے ایم یو میڈیکل کالج میں او پی ڈی کا نیا شیڈول 15 فروری سے نافذ

علی گڑھ مسلم یونیورسٹی کے جواہر لعل نہرو میڈیکل کالج و اسپتال کے مختلف شعبوں میں 15 فروری سے او پی ڈی کا نیا شیڈول نافذ ہو رہا ہے۔

میڈیکل سپرنٹنڈنٹ پروفیسر حارث ایم خان نے بتایا کہ نئے شیڈول کے مطابق ہر روز او پی ڈی میں مریضوں کا رجسٹریشن صبح 8 بجے سے 10:30 بجے کے درمیان ہوگا۔ دریں اثناء جواہر لعل نہرو میڈیکل کالج و اسپتال کی سبھی آپریشن تھیٹر معمول کی سرجری کے لیے 15 فروری سے شروع ہو جائیں گے۔

اسی طرح اسپیشل وارڈ کے 29 کمرے بھی 15 فروری سے کھل جائیں گے۔ جاری شدہ شیڈول کے مطابق ای این ٹی، پیٹرکس، ریڈیو ڈائگنوسس، آرتھو پیٹک سرجری، ڈرماٹولوجی، سائیکیاٹری، جنرل سرجری، میڈیسن، ٹی وی اور چیسٹ، پلاسٹک سرجری، زچگی و امراض خواتین، اے این سی اور آپتھلمالوجی شعبہ کی او پی ڈی ہر روز چلے گی اور یومیہ 150 مریض دیکھے جائیں گے۔

اسی طرح میڈیسن فالواپ کارڈیالوجی سپر اسپیشلٹی اور ریڈیو تھراپی کی او پی ڈی بھی ہر روز چلے گی تاہم یومیہ صرف سو مریض دیکھے جائیں گے۔

اے ایم یو میڈیکل کالج میں او پی ڈی کا نیا شیڈول 15 فروری سے نافذ ہوگا

فیزیو تھریپی، انستھیسیا لوجی اور جی ایس فالواپ کلینک کی او پی ڈی بھی ہر روز چلی گئی اور یومیہ 50 مریض دیکھے جائیں گے۔

ویل بیبی کلینک کی او پی ڈی منگل، جمعرات اور سنیچر کو چلے گی اور یومیہ 150 مریض دیکھے جائیں گے۔اسپورٹس اینڈ آرتھو سکوپی، ٹیومر کلینک اور سپائن کلینک سپر اسپیشلٹی کی او پی ڈی منگل کو چلے گی اور یومیہ 50 مریض دیکھے جائیں گے۔

اسی طرح پیڈ یاٹرکس آرتھوکلینک سپر اسپیشلٹی، اور نیفرولوجی کی او پی ڈی پیر کو چلے گی اور یومیہ 50 مریض دیکھے جائیں گے۔