اے ایم یو کورٹ اور اکیڈمی کونسل میں نئے اراکین کی تقرری

ریاست اترپردیش کے علی گڑھ میں واقع علی گڑھ مسلم یونیورسٹی (اے ایم یو) کے اقامتی ہالوں کے چار پرووسٹوں کو اے ایم یو کورٹ کا اور دو کوآرڈینیٹروں کو اکیڈمی کونسل کا ممبر مقرر کیا گیا ہے۔

ان مقرر کیے گئے اے ایم یو کورٹ کے ممبران میں بیگم عزیز النساء ہال کی پرووسٹ پروفیسر صبوحی خان، سر سید ہال نارتھ کے پرووسٹ پروفیسر کے اے ایس ایم عشرت عالم، ڈاکٹر بی آر امبیڈکر ہال کے پرووسٹ ڈاکٹر حشمت علی خاں اور سر سید ہال کے ساؤتھ کے پرووسٹ پروفیسر بدرالدجی خان شامل ہیں۔

چاروں ممبران کی مدت کار تین برس یا پرووسٹ کے عہدے پر برقرار رہنے تک ہونگی۔

اس کے علاوہ اے ایم یو سینٹر ملاپورم کی لاء یونٹ کے کوآرڈینیٹر مسٹر غالب نشتر اور اے ایم یو مرشدآباد سینٹر کے لاء کوارڈینیٹر ڈاکٹر محمد عارف کو سینئرٹی کی بنیاد پر تعلیمی سال 2020- 21 کے لیے یونیورسٹی اکیڈمی کونسل کے ممبران مقرر کیا گیا ہے۔