بارہ بنکی: گائے پروری سے ہوگا تغذیہ کی کمی کا علاج

بارہ بنکی میں تغذیہ کی کمی کو دور کرنے اور گائے کی تحفظ کے لئے حکومت کی جانب سے ایک نایاب پہل کی شروعات کی گئی ہے جس کے تحت بدھ کے روز رکن پارلیمان اوپیندر راوت نے تین کنبے کو گائے تقسیم کئے۔

ریاست اتر پردیش کے بارہ بنکی میں تغذیہ کی کمی کو دور کرنے اور گائے کی تحفظ کے لئے حکومت کی جانب سے ایک نایاب پہل کی شروعات کی گئی ہے جس کے تحت بدھ کے روز رکن پارلیمان اوپیندر راوت نے تین کنبے کو گائے تقسیم کئے۔

اس دوران انہوں نے کہا کہ 'گائے سے ملنے والے دودھ سے تغزیہ کی کمی کا علاج ہوگا اور گایوں کا تحفظ بھی ہوگا۔ بارہ بنکی ضلع میں 9 ہزار سے زیادہ کنبے تغذیہ کی کمی کے شکار ہیں۔

ضلع میں چلائے جارہے اس اسکیم کا فائدہ لینے کے لئے اب تک کل 20 کنبوں نے درخواست داخل کی ہے، انہوں نے کہا کہ خواہش مند افراد گائے کے لئے اطفال ترقی اور تغزیہ محکمے میں درخواست دے کر گائے حاصل کر سکتے ہیں ۔

وہیں گائے پروری کرنے والوں کو حکومت کی جانب سے 30 روپے فی روز سے ماہانہ 9 ہزار روپے بھی دئے جائیں گے۔