گریٹر نوئیڈا: نذیر حسین کی یاد میں موٹر ڈرائیو

نوئیڈا میں آرمی چیف ایم نروانے نے نذیر حسین میموریل ڈرائیو کو جھنڈی دکھاکر روانہ کیا۔

بین الاقوامی موٹر اسپورٹس کے مشہور ڈرائیور نذیر حسین کی یاد میں گریٹر نوئیڈا کے کراؤن پلازہ ہوٹل میں آرمی چیف ایم نروانے نے نذیر حسین میموریل ڈرائیو کو جھنڈی دکھاکر روانہ کیا۔ ٹیم فائر فاکس کے زیر اہتمام 1107 کلومیٹر کی اس ڈرائیو میں ملک بھر سے تقریباً 90 ٹیمیں حصہ لے رہی ہیں، جو گریٹر نوئیڈا سے شروع ہوکر اتراکھنڈ کے لانس ڈاؤن، مسوری سے ہماچل پردیش کے کفری سے ہوتے ہوئے 12 نومبر کو منالی میں اختتام پذیر ہوگی۔
قابل ذکر بات یہ ہے 1940 میں پیدا ہوئے ناصر حسین ایک ہندوستانی ریسنگ ڈرائیور ہونے کے ساتھ ساتھ موٹر اسپورٹس کے منتظم بھی تھے۔ وہ موٹر اسپورٹس ایسوسی ایشن آف انڈیا کے صدر بھی رہ چکے ہیں۔ وہ ورلڈ ریلی چیمپئن شپ کے چیف منیجر اور ورلڈ موٹر سپورٹس کونسل کے رکن بھی رہ چکے ہیں۔ ان کا انتقال 2019 میں ہوا۔ انہوں نے 1981 میں ہمالیہ ریلی روٹ شروع کیا جو 1990 تک مسلسل چلتا رہا۔ اب 31 سال بعد 8 نومبر کو انہیں خراج عقیدت پیش کرتے ہوئے ٹیم فائر فاکس کی جانب سے نذیر حسین میموریل ڈرائیو کا انعقاد کیا جا رہا ہے۔ ریلی میں شریک ہر ٹیم کے دو ارکان ہوں گے۔

میموریل ڈرائیو ایک غیر مسابقتی ایونٹ ہے۔ اس کا اہتمام نذیر کو خراج عقیدت پیش کرنے کے لیے کیا جا رہا ہے جنہوں نے ہندوستان کو بین الاقوامی موٹر اسپورٹس میں پہچان دلائی ہے۔