میرٹھ: پولیس انکاؤنٹر میں ایک بدمعاش گرفتار

بھارتی ریاست اترپردیش کے ضلع میرٹھ میں دورالہ تھانہ علاقے میں مٹور بڑکالی روڈ کے قریب جنگل میں پولیس اور بدمعاشوں کے مابین تصادم میں ایک زخمی اور ایک فرار ہونے میں کامیاب ہوگیا۔

ایس پی اکھلیش نرائن نے کہا ہے کہ پولیس کی تلاشی مہم کے دوران دو موٹر سائیکل سوار کو روکا گیا لیکن بدمعاشوں نے فرار ہونے کی کوشش کی اسی دوران پولیس پر فائرنگ بھی کیے گئے۔

پولیس کی جوابی فائرنگ میں سومت نامی شخص زخمی ہوگیا جبکہ ایک فرار ہونے میں کامیاب رہا ہے۔

پولیس نے بتایا کہ اس کی گرفتاری پر 25 ہزار روپے کا اعلان تھا اور وہ کئی دنوں سے مفرور تھا۔ بدمعاش پر تین لوٹ کے مقدمات درج ہیں۔

پولیس نے ایک موٹر سائیکل،ایک طمنچہ دو زندہ کارتوس برآمد کیا ہے۔