میرٹھ میں ہائی کورٹ بنچ بنایا جائے گا :کانگریسی رہنما

ریاست اتر پردیش کے میرٹھ ہاپوڑ پارلیمانی نشست پر سیاسی جماعتوں کے مابین رسہ کشی جاری ہے لیکن میرٹھ میں جہاں گزشتہ 40 برسوں سے ہائی کورٹ بنچ کے قیام کا مطالبہ کر رہے ہیں وہیں اب کانگریس کے ترجمان اندر موہن سنگھ نے ہائی کورٹ بنچ کے قیام کا اعلان کیا ہے

انہوں نے میرٹھ میں مودی کی گذشتہ روز ہونے والی ریلی پر کہا کہ لاکھوں کی تعداد میں بھیڑ جمع کرنے کے دعوے جھوٹے ثابت ہوئے اور مودی کی ریلی پوری طریقے سے ناکام ثابت ہوئی۔

اندر موہن نے کہا کہ میرٹھ کے وکیلوں نے مودی کی ریلی کی مخالفت کی ہے۔ میرٹھ میں ہائی کورٹ بنچ کے قیام کے لئے مسلسل 40 برس سے جدوجہد جاری ہے لیکن ابھی تک ہائی کورٹ بنچ کے کا قیام نہیں ہوا ہے لیکن اس پر پرینکا گاندھی نے صاف طور پر اعلان کیا ہے کہ اگر کانگریس اقتدار میں آتی ہے تو ہائی کورٹ بنچ کا قیام کیا جائے گا۔

واضح رہے کہ گزشتہ روز مودی نے میرٹھ سے انتخابی ریلی کا آغاز کیا جبکہ کانگریس 2 اپریل کو ریلی کرنے والی ہے وہیں ایس پی، بی ایس پی اور آر ایل ڈی اتحاد 8 اپریل کو ریلی کرے گی۔