مظفرنگر: بیس وکلاء عبد الغفور ایڈووکیسی ایوارڈ سے سرفراز

ریاست اترپردیش ضلع مظفر نگر کے کلکٹریٹ کے احاطے میں مظفرنگر کانگریس کمیٹی کے اقلیتی ضلع صدرعبداللہ قاضی اور ریاست کے اقلیتی وائس چیئرمین سید وصی احمد رضوی کی سرپرستی میں ریاست بہار کے سابق وزیراعلی عبدالغفور خان کی برسی کے موقع پر مظفر نگر کے بیس سے زائد وکلاء کو غفورایڈووکیسی اونر ایوارڈ سے سرفراز کیا گیا۔

ریاست کے اقلیتی وائس چیئرمین سید وصی احمد رضوی نے کہا کہ 10 جولائی کو ریا ست بھر میں بہار کے سابق وزیر اعلیٰ عبدالغفور کی برسی منائی گئی۔

انہوں نے کہا کہ اس موقع پر مظفر نگر کے 20 سے زائد وکلاء کو غفور ایڈووکیسی اونر ایوارڈ سے نوازا گیا اور انہیں اسناد سے بھی سرفراز کیا گیا۔

اس موقع پر سید وسیم رضوی، عبد اللہ قاضی، سلیم احمد، مونو سلیمانی، امام عباسی، عارف عباسی اور قاضی سلطان وغیرہ موجود رہے۔