عالمی وبا کورونا کی تیسری لہر آمد کے امکان کے پیش نظر کانوڑ یاترا کو روک دیا گیا ہے اور عیدالاضحیٰ کے تہوار کو بھی کورونا گائیڈ لائن کے مطابق منانے کی اپیل کی گئی ہے۔
گزشتہ دو سالوں سے تمام تہوار گھروں میں ہی سادگی کے ساتھ منائے جا رہے ہیں۔
عیدالا ضحی کے موقع پر شہر قاضی قاضی تنویر عالم نے مظفرنگر کے عوام سے اپیل کی ہے کہ ابھی کورونا وبا کا دور ختم نہیں ہوا ہے۔ اس لیے ہمیں احتیاط برتنے کی ضرورت ہے۔
انہوں نے کہا کہ عیدالاضحیٰ کے مد نظر ہمیں صاف صفائی رکھنی ہے۔ اور نماز عید الاضحی کے وقت سماجی فاصلہ کا خاص خیال رکھا جائے اور کورونا وبا کے پیش نظر جاری کردہ رہنما خطوط پر عمل آوری کو یقینی بنائیں۔
انہوں نے مسلمانوں سے اپیل کی ہے کہ ماسک لگائیں، سماجی فاصلہ برقرار رکھیں، صاف صفائی کا خاص خیال رکھیں اور عام راستوں پر قربانی نہ کریں۔
مزید پڑھیں :راجستھان میں عیدالاضحی کے موقع پر حکومت کی پابندیاں
انہوں نے عید کے موقع پر امن و امان پر زور دیتے ہوئے کہا کی جانوروں کی قربانی عوامی مقامات پر نہ کریں اور قربانی کے فوراً بعد جانوروں کی ہڈیاں غلاظت وغیرہ کو دفن کر دیں۔
