مظفرنگر: محکمہ فائر کی طرف سے سینیٹائزیشن کا کام جاری

اترپردیش کے ضلع مظفر نگر میں کورونا وائرس کے بڑھتے ہوئے پھیلاؤ کو روکنے کے لیے شہری اور دیہی علاقوں میں فائر محکمہ سینیٹائزیشن کے کام کو مسلسل انجام دے رہا ہے۔ فائر محکمے کے ذریعے کئے جارہے سینیٹائزیشن کے کام کے بارے میں زیادہ جانکاری کے لیے ای ٹی وی بھارت کے نمائندہ نے فائر آفیسر نریش کمار سے بات چیت کی۔

ضلع مظفر نگر میں کورونا وائرس کے بڑھتے ہوئے پھیلاؤ کو روکنے کے لیے شہری اور دیہی علاقوں میں مسلسل فائر محکمہ سینیٹائزیشن کے کام کو انجام دے رہا ہے۔ فائر محکمے کے ذریعے کئے جارہے سینیٹائزیشن کے کام کے بارے میں زیادہ جانکاری کے لیے ای ٹی وی بھارت کے نمائندہ نے فائر آفیسر نریش کمار سے بات چیت کی۔

انہوں نے بتایا کہ ہمارے فائر محکمے کے ذریعے شہری اور دیہاتی علاقوں میں صبح کے وقت سینیٹائزیشن کا کام کیا جاتا ہے کیونکہ اس وقت آگ لگنے کے امکانات کافی کم ہوتے ہیں۔ یہ سینیٹائزیشن ہمارے ذریعے ان علاقوں میں یا ان جگہوں پر کیا جاتا ہے جہاں پر لوگوں کا زیادہ آنا جانا رہتا ہے جیسے کووڈ ہسپتال، پولیس اسٹیشن، کلکٹریٹ، شہر کے مرکزی چوک چوراہے اور اس کے علاوہ کنٹینمنٹ زون اور ان مقامات پر جہاں پر انفیکشن پھیلا ہوا ہے۔ وہاں سینیٹائزیشن کیا جارہا ہے۔ اگر اس بیچ میں کہیں پر آگ لگنے کی اطلاع موصول ہوتی ہے تو ہمارے پاس دو بڑے ٹینکر موجود ہیں جس کے ذریعے ہم آگ بجھا سکتے ہیں۔ سینیٹائزیشن کا کام کرنے سے جہاں انفیکشن کے خدشات ہوتے ہیں وہاں پر وائرس مکمل طور سے ختم ہو جاتا ہے۔ اگر ان مقامات پر جہاں پر وائرس پھیلا ہوا ہے، سینیٹائزیشن نہیں کیا جائے گا تو اس کے پھیلاؤ میں مزید اضافہ ہوگا لہٰذا اس وبا میں سینیٹائزیشن بہت ضروری ہے۔