مظفر نگر: پولیس و بدمعاشوں میں تصادم

اترپردیش کے ایک ہی ضلع میں دو مقامات پر پولیس کی فائرنگ سے دو انعامی بدمعاش زخمی ہوگئے ،گرفتار بدمعاشوں سے پولیس تفتیش کررہی ہے۔

ریاست اترپردیش کے ضلع مظفر نگر کے بڈھانہ پولیس اور بدمعاشوں کے مابین تصادم میں پولیس نے دو انعامی بدمعاش کو گرفتار کیا ہے۔ اس کے فوری بعد دوسرا تصادم، ضلع کے شاہ پور تھانہ اسٹیشن میں ہوا، جس میں ایک بدمعاش پولیس کی گولی سے زخمی ہو گیا۔

سینئر سپرنٹنڈنٹ پولیس ابھیشیک یادو کی قیادت میں تھانہ بڈھانہ پولیس نے چیکنگ کے دوران تصادم میں 10 ہزار کے دو انعامی بدمعاشوں کو زخمی کر دیا۔ جبکہ اس کا دوسرا ساتھی فرار ہو گیا۔

بڈھانہ پولیس نے بدمعاش کے پاس سے ایک کار، دو غیر قانونی اسلحہ اور سات کارتوس برآمد کیا۔

وہیں ضلع مظفر نگر کی شاہ پور کے شکار پور گاؤں میں پولیس اور بدمعاش کے مابین تصادم ہوا، جس میں ایک بدمعاش کو گرفتار کرلیا گیا ہے۔

بدمعاش کے قبضے سے پولیس نے غیر قانونی اسلحہ اور ایک پلاٹینا موٹرسائیکل برآمد کیا ہے۔

پولیس دونوں معاملے میں بدمعاشوں سے تفتیش کررہی ہے۔