Muzaffarnagar Honor Killing مظفر نگر میں غیرت کے نام پر بیٹی کا قتل

ضلع مظفرنگر میں غیرت کے نام پر ایک شخص نے اپنی بیٹی کا قتل کرکے اس کی لاش کو نہر میں پھینک دیا۔ اس واقعے کے بعد علاقے میں سنسنی پھیل گئی۔ پولیس نے بیٹی کے قتل کے الزام میں اس کے والد کو گرفتار کرلیا۔ Man Killed Daughter in Muzaffarnagar

مظفر نگر:ریاست اترپردیش کے مظفر نگر میں والدین نے جھوٹی شان کی خاطر اپنی 19 سالہ بیٹی کو قتل کر کے اس کی لاش کو نہر میں پھینک دی ۔مقامی باشندوں کی شکایت پر مقامی پولیس نے غوطہ خور کی مدد سے متوفی کی لاش کو نہر سے نکال کر پوسٹ مارٹم کے لیے بھیج دیا۔قتل کے معاملے میں مظفر نگر پولیس نے بیٹی کے قاتل والدین کو گرفتار کرکے جیل بھیج دیا۔ ذرائع کے مطابق یہ معاملہ مظفر نگر کا ہے جہاں جھوٹے شان کی خاطر والدین نے اپنی 19 سالہ لڑکی کا گلا دبا کر قتل کر دیا۔اس واردات کو انجام دینے کے بعد والدین نے لڑکی کی لاش نہر میں پھینک دی۔ مقامی باشندوں کی شکایت پر پولیس نے غوطہ خوروں کی مدد سے نوجوان خاتون کی لاش نہر سے برآمد کر لی ۔

پولیس کے مطابق نوجوان لڑکی کو گاؤں کو ایک نوجوان سے ایک سال قبل عشق ہو گیا تھا اور دونوں گاؤں سے کہیں فرار ہو گئے تھے۔ لڑکی کی والدہ کی تحریر پر نوجوان لڑکے کو پولیس نے گرفتار کر جیل بھیج دیا تھا۔اس کی کورٹ میں تاریخ تھی۔ لڑکی کے والدین چاہتے تھے کہ لڑکی اپنے عاشق کے خلاف بیان دے۔ لیکن وہ ایسا نہیں کرنا چاہتی تھی۔اس سے ناراض ہو کر اس کے والدین نے یہ سنسنی خیز واقعہ کو انجام دیا۔