اترپردیش میں حال ہی میں حکومت کی گائیڈ لائنز کے مطابق سبھی اسکولس کالجز اور مدارس کھولے گئے ہیں۔ تعلیمی اداروں میں بچوں نے پھر سے جانا شروع کیا ہے اور زندگی معمول کی طرف لوٹ رہی ہے۔ لیکن اب ایک بار پھر سے کورونا وبا نے اپنا پیر پھیلانا شروع کر دیا ہے۔ اس سے تعلیمی اداروں پر پھر سے خطرہ منڈرانے لگا ہے۔
کورونا کیسز میں مسلسل اضافے کے بعد محکمہ تعلیم پوری طرح چوکس
اس سے متعلق مزید معلومات دیتے ہوئے اسلامیہ انٹر کالج مظفرنگر کے پرنسپل سلیم احمد نے بتایا 'کورونا وبا سے لڑنے کے لیے شروع سے ہی جو ہمیں انتظامیہ کی جانب سے رہنما خطوط دیے گئے تھے، ہم اس پر عمل کر رہے ہیں۔ سینی ٹائزیشن، ماسک، تھرمل اسکریننگ اور معاشرتی فاصلوں کے ساتھ کلاس روم میں بچوں کو بیٹھایا جا رہا ہے۔ جیسے ہمیں ہدایت ملتی ہیں ہم اس پر عمل کرتے ہیں۔ اب تک ہمارے اسکول میں کورونا وائرس کا کوئی بھی معاملہ سامنے نہیں آیا ہے۔