مظفرنگر میں دوہرا قتل، علاقے میں خوف کا ماحول

مظفرنگر ضلع میں بدھ کے روز پارس اور دیپک نامی دو دوست بائک سے شاہ کمبری میں دیوی کے درشن کے لیے جارہے تھے کہ اچانک نامعلوم حملہ آور نے سینے میں دونوں کو گولی مارکر ہلاک کردیا، اس واقعہ کے بعد علاقے میں سنسنی پھیل گئی۔ وہیں پولیس نے لاش کو پوسٹ مارٹم کے لیے روانہ کرکے لواحقین کو یقین دہانی کرائی کہ ملزم جلد گرفت میں ہوگا۔

مغربی اتر پردیش کے مظفر نگر ضلع کے شاہ پور علاقے میں اس وقت دوہرے قتل سے سنسنی پھیل گئی جب دو دوست پارس اور دیپک بائک سے شاہ کمبری میں دیوی کے درشن کے لیے جارہے تھے جن کو نامعلوم حملہ آور نے سینے میں گولی ماردی۔

گولی سینے میں لگنے کی وجہ سے دونوں دوستوں کی موقع پر ہی موت ہوگئی ، پولیس نے واقعہ پر پہنچ کر لاش کو پی ایم کو بھیج کر معاملے کی تحقیقات شروع کردی۔

دراصل معاملہ شاہ پور تھانہ علاقے کے دلہیرا گاؤں کا ہے جہاں دو دوست، 20 سالہ پارس ولد گوپال سنگھ اور 23 سالہ دیپک ولد کرن پال سنگھ ساکن دلہرہ شاہ کومبری دیوی کے درشن کے لیے بائک سے گئے تھے۔ بدھ کے روز گاؤں کے ہی ٹیوب ویل پر دونوں دوستوں کی لاشیں پڑی ملی۔

دن دہاڑے دوہرے قتل کی خبر ملتے ہی گاؤں میں سنسنی پھیل گئی محکمہ اور پولیس میں بھی ہلچل مچ گئی۔

ضلع پولیس انتظامیہ کے اعلیٰ افسران موقع پر پہنچے، جہاں مقتولین کے اہل خانہ کو یقین دلایا کہ واقعہ جلد منظر عام پر لایا جائے گا۔

لواحقین کے اہل خانہ کی شکایت کے مطابق پولیس نے نامعلوم افراد کے خلاف مقدمہ درج کرنے کے بعد معاملے کی باریکی سے تفتیش شروع کردی ہے۔