ریاست اترپردیش کے ضلع مظفر نگر کی ڈسٹرکٹ مجسٹریٹ سیلوا کماری نے کلکٹریٹ احاطے میں چودھری چرن سنگھ آڈیٹوریم روم میں کورونا انفیکشن اور دیگر بیماریوں کے پیش نظر ضلع میں صفائی، پینے کے پانی وغیرہ کے متعلق عہدے داروں کے ساتھ میٹنگ کی۔
ڈسٹرکٹ مجسٹریٹ نے تمام افسران کو ضروری ہدایات دی اور اس وائرس سے متعلق احتیاطی تدابیر پر زور دیا۔
ملک کے بڑھتے ہوئے کورونا وائرس کیسز نیز موسمیاتی بیماریوں سے نمٹنے کے لیے ڈی ایم کماری سیلوا نے تمام ماتحت افسران کو اس میٹنگ میں صفائی صفائی کے معقول انتظامات کرنے کی ہدایت دی اور اپنے اپنے علاقوں کو اچھی طرح سے سینیٹائز فو گنگ صاف صفائی کرانے کے لیے کہا تا کہ اس وائرس کو مزید پھیلنے سے روکا جا سکے۔
اس میٹنگ میں ڈسٹرکٹ مجسٹریٹ سیلوا کماری، اے ڈی ایم آلوک کمار، اے ڈی ایم ایڈمنسٹریشن امیت کمار، سی ڈی او آلوک یادو اور بہت سے دیگر عہدیدار سمیت چیف میڈیکل آفیسر بھی شامل رہے۔