مظفرنگر: اسکولوں کو دوبارہ کھولنے کا مطالبہ

اترپردیش کے ضلع مظفرنگر میں کلکٹریٹ کے احاطے میں آج درجنوں طلبہ نے انتظامیہ سے اسکولوں اور کالجوں کو دوبارہ کھولنے کا مطالبہ کیا۔ اس سلسلے میں انتظامیہ کو ایک میمورنڈم بھی دیا گیا۔

مظفرنگر کلکٹریٹ کے روبرو احتجاجی مظاہرہ کرتے ہوئے طلبہ نے 9 ویں تا 12 ویں جماعتوں کےلیے تعلیمی سرگرمیاں شروع کرنے کا مطالبہ کیا۔ طلبا کے مطابق کورونا کی وجہ سے گذشتہ کئی ماہ سے اسکولز اور کالجز بند ہیں۔ طلبا کےلیے آن لائن تعلیم کا انتظام کیا جارہا ہے لیکن وہ ناکافی ہے۔

طلبا نے بتایا کہ ضلع میں کورونا وبا کا اثر اب کم ہوچکا ہے اور انتظامیہ کی جانب سے اکثر پابندیوں کو ہٹالیا گیا ہے لیکن اسکولز اور کالجز ابھی بھی بند ہیں۔ طلبا نے 9 تا 12 درجہ کی کلاسس کو فوری طور پر شروع کرنے کا مطالبہ کیا۔ انہوں نے کہا کہ آن لائن تعلیم سے طلبا کے مستقبل پر اثر پڑرہا ہے۔