مظفرنگر : سردی میں غیرمعمولی اضافہ

ضلع مظفر نگر ریاست اترپردیش کا سنیچر کے روز سب سے سرد ضلع رہا، جہاں سردی نے کئی برسوں کا ریکارڈ توڑ دیا۔

مظفر نگر میں آج صبح سے ہی سرد ہواؤں کے ساتھ کہرا شام تک رہا، مظفرنگر میں درجہ حرارت سب سے کم رہی۔ یہاں کا درجہ حرارت 1.7 ڈگری سیلسیئس درج کیا گیا۔

سرد موسم کے سبب عوامی زندگی متاثر رہی۔ سڑکیں سنسان رہی۔ لوگ آگ جلا کر سردی سے بچنے اور راحت پانے کی کوشش کرتے دیکھے گئے۔

ماہر موسمیات پان سنگھ نے بتایا کہ آنے والے کچھ اور روز میں درجہ حرارت میں کمی دیکھی جائے گی۔ سردی میں مزید اضافہ ہو گا۔