اترپردیش کے ضلع مظفرنگر کے کلکٹریٹ کے احاطے میں واقع ڈسٹرکٹ مجسٹریٹ کے دفتر پر بھارتیہ کسان یونین امبواٹا کے ضلع صدر محمد شاہ عالم نے ڈسٹرکٹ مجسٹریٹ کے ذریعہ وزیر اعلیٰ یوگی آدتیہ ناتھ کو ایک میمورینڈم سونپا۔
میمورنڈم کے ذریعہ یہ مطالبہ کیا گیا ہے کہ 24 مارچ کو ملک میں کورونا وبا کی وجہ سے وزیر اعظم کے ذریعہ لاک ڈاؤن کا اعلان کیا گیا تھا۔ جس کی وجہ سے تمام تجارتی ادارے بند ہوگئے تھے۔
لیکن اب ان لاک ون میں کچھ رعایتیں دی گئیں، جس میں کھانے کی دکانوں اور دیگر دکانوں کو کھولنے کی اجازت دی گئی ہے، لیکن گوشت کے تاجروں کی دکانیں ابھی بھی بند ہے، جوکہ انتظار کر رہے ہیں اپنی دکانیں کھولنے کا۔
لہٰذا ہم چاہتے ہیں کہ حکومت ان تاجروں کے کاروبار کے لئے دوکانیں کھولنے کا ٹائم ٹیبل مقرر کرے۔
گوشت کے تاجروں کے لئے بھی دکان کھولنے کا وقت مقرر کرنا بہت ضروری ہے۔ کیونکہ ان کی حالت لاک ڈاؤن کی وجہ سے حالت بد سے بدتر ہو گئی ہے۔ اسی لئے ہم چاہتے ہیں کہ گوشت کے تاجروں کو کاروبار کرنے کی اجازت دی جائے تاکہ ان لوگوں کے بچے بھوک سے نہ مریں۔