غازی پور بارڈر پر احتجاج جاری رہے گا: نریش ٹکیت

مظفر نگر میں منعقد مہا پنچایت میں بھارتی کسان یونین کے قومی صدر نریش ٹکیت نے کہا کہ غازی پور بارڈر پر احتجاج جاری رہے گا۔ آج مظفرنگر کے جی آئی سی گراؤنڈ پر صبح گیارہ بجے مہا پنچایت رکھی گئی تھی، جو شام تک چلی جس کی تیاری کو لے کر مظفر نگر پولیس اور ضلعی انتظامیہ پوری طرح الرٹ نظر آیا۔

اس مہا پنچایت میں پہنچے ڈی آئی جی اوپیندر اگروال، ڈویژنل پولیس کمشنر، ضلع مجسٹریٹ اور ایس ایس پی مظفرنگر نے موقع پر پہنچ کر لیا جائزہ اور اس مہا پنچایت کو لے کر پولیس اور ضلعی انتظامیہ پوری طرح مستعد دکھائی دیا۔

وہی مہاپنچایت میں بھارتی کسان یونین کے ہزاروں کارکنان اور سیاسی پارٹیوں کے رہنماؤں نے شرکت کی۔

بھارتی کسان یونین کے قومی صدر نریش ٹکیت نے ای ٹی وی بھارت سے کہا کہ کل غازی پور بارڈر پرجو بھی کچھ ہوا اس کا ہمیں کافی افسوس ہے اور ہم بہت زیادہ غم زدہ ہیں۔

مظفر نگر میں منعقد مہا پنچایت

اس مہا پنچایت میں کانگریس پارٹی، سماج وادی پارٹی، راشٹریہ لوک دل اور عام آدمی پارٹی کے رہنماؤں نے اس مہا پنچایت میں شرکت کی اور تینوں زرعی قانون کے خلاف اپنے اپنے خیالات پیش کیے۔

مظفر نگر میں منعقد مہا پنچایت

بھارتی کسان یونین کے قومی صدر چودھری راکیش ٹکیت نے کہا کہ غازی پور بارڈر پر تینوں زرعی قانون کے خلاف احتجاج جاری رہے گا۔