عام آدم پارٹی کے کارکنوں نے یس بینک کے صارفین کے تعلق سے میمورینڈم ضلع مجسٹریٹ کو دیتے ہوئے کہا کہ یس بینک کے ذریعہ رقم نکالنے کی حد طئے کرنےکے بعد سے صارفین کو مشکلات کا سامنا کرنا پڑ رہا ہے۔
عام آدمی پارٹی کے کارکنان کا مطالبہ ہے کہ ملک میں بینک سے قرض لینے والے تمام افراد کی نشاندہی کی جائے اور ان بینک ڈیفالٹرز کو عام کیا جائے۔
انہوں نے کہا کہ قرض کی رقم کو فوری طور پر واپس لیا جائے اور مستقبل میں بینک کو ایسے افراد کو کسی طرح کا کوئی قرض نہیں دیا جائے۔
انہوں نے کہا کہ ہمارا مطالبہ ہےکہ عام آدمی کے پیسے کو محفوظ رکھنےکی ضمانت دی جائے اور ہماری تمام مطالبات کو فوری طور پر عمل میں لایا جائے اور بینک ڈیفالٹرز کے خلاف سخت کارروائی کی جائے
واضح رہے کہ عام آدمی پارٹی کے رکن پارلیمان سنجے سنگھ نے راجیہ سبھا میں مرکزی حکومت کو یس بینک کے قرض داروں کے خلاف کارروائی کرنے، ان قرض داروں کا نام عام کرنے اور ان کا پاسپورٹ ضبظ ضبط کرنے کا مطالبہ کیا تھا۔