مظفر نگر : تصادم میں انعامی بدمعاش گرفتار

میرٹھ کے مظفر نگر روڈ پر چیکنگ کے دوران پولیس اہلکاروں اور موٹرسائیکل سوار بدمعاشوں کے درمیان تصادم ہوگیا۔

ریاست اترپردیش کے ضلع مظفر نگر کے تھانہ کھتولی پولیس علاقہ کے مسددی بیگیا کا نہر پٹری کا معاملہ ہے جہاں پولیس اور بدمعاش کے درمیان تصادم ہوگیا، جس میں ایک بدمعاش کو گرفتار کر لیا گیا ہے جب کہ ایک فرار ہوگیا ہے۔

اس تصادم میں 25 ہزار کا انعامی بدمعاش سلیم عرف گنجا رہائشی میرٹھ کی ٹانگ میں گولی لگنے سے ہوا زخمی جب کہ زخمی بدمعاش کا دوسرا ساتھی جنگل میں چھپ گیا ، جس کے لیے پولیس نے گھنٹوں کمبنگ کی لیکن بدمعاش فرار ہوگیا ۔

پولیس نے زخمی بدمعاش کے قبضے سے بائیک ، پستول اور 4 کارتوس برآمد کیے۔

واضح رہے کہ زخمی بدمعاش سلیم عرف گنجا روڈکی ، بریلی اور مظفر نگر میں ڈکیتی کی واردات کرتا تھا ، جو 3 اضلاع سے مطلوب تھا زخمی سلیم بدماش پر بریلی رورکی اور مظفر نگر اور میرٹھ میں ڈکیتی کی 2درجن سے زائد مقدمے مختلف تھانوں میں درج ہے، پولیس نے زخمی بدمعاش کو علاج کے لیے ضلعی اسپتال میں داخل کرایا۔