مظفر نگر: چینی مصنوعات نذر آتش

سرحد پر چینی فوجیوں کی جانب سے بھارتی فوج پر حملے اور بھارتی جوان کی ہلاکت پر ریاست اتر پردیش کے ضلع مظفر نگر میں چینی مصنوعات کو نذر آتش کیا گیا۔

چین کے خلاف احتجاج میں مظفر نگار کی تنظیم آوازِ حق نے چین کے قومی پرچم اور چینی مصنوعات کو نذر آتش کر کے غم و غصے کا اظہار کرتے ہوئے چینی سامان کے بائیکاٹ کا نعرہ بلند کیا۔

آواز حق تنظیم کے رکن محمد الطاف خان نے کہا کہ 'چین نے لداخ کی وادی گلوان میں کاروائی کرتے ہوئے ہمارے 20 فوجی جوانوں کو ہلاک کر دیا، ہماری تنظیم چین کے اس اقدام کی شدید مذمت کرتی ہے۔

انہوں نے کہا کہ ہم وزیراعظم نریندر مودی سے مطالبہ کرتے ہیں کہ چین کو جلد سے جلد جواب دیا جائے۔

انہوں نے عوام سے اپیل کی کہ 'تمام شہریوں کو چینی مصنوعات کا بائیکاٹ کرنا چاہیے۔