مسلمانوں کا اسرائیل کے خلاف احتجاج یوم القدس کے موقع پر ریاست اترپردیش کے شہر میرٹھ میں مسلمانوں نے اسرائیل فوج کی جانب سے معصوم فلسطینوں پر کی جانے والی ظلم و زیادتی کے خلاف احتجاج کیا ۔ نماز جمعہ کے بعد مسجد اہل تشیع منصبیہ عربی کالج کے باہر زبردست مظاہرہ کیا گیا اور شہر کی شاہی جامع مسجد میں نماز جمعہ کے بعد فلسطین کے مظلومین کے حق میں دعا کی گئی۔ اس موقع پر شیعہ اور سنی علماء کرام نے ملّی اتحاد کے لئے دعایئں کی اور آپسی فتنہ انگیزی اور نفرت کی دیورا کھڑی کرنے والوں کی سازشوں نے بچنے کی اپیل کی ۔
ہرسال کی طرح امسال بھی ماہ رمضان کے آخری جمعہ کو اسرائیل کے خلاف احتجاج کیا گیا ہے۔ اسلامی ممالک کے علاوہ ہندوستان جیسے جمہوری اور بڑی مسلم آبادی والے ملک میں بھی یوم القدس پر اسرائیل کے خلاف احتجاجی مظاہروں کا انعقاد کیا جاتا ہے ۔ اس موقع پر ملک اور ملّت کی سلامتی کی دعاؤں کے ساتھ سنی شیعہ اتحاد کو نقصان پہنچانے والی سازشوں سے بچنے کی بھی مسلمانوں سے اپیل کی گئی
مزید پڑھیں:Al Qudus Protest in Hyderabad: مظلوم فلسطینیوں سے اظہارِ یگانگت کے طور پر یوم القدس منایا گیا
میرٹھ کی منصبیہ امام بارگاہ کے ذمہ دار نے کہا کہ آج فلسطین پر اسرائیلی حملے اور وہاں کی عوام پر ہو رہے ظلم کے خلاف جس طرح سے احتجاج کیا جا رہا ہے ضرورت ہے تمام مسلم ممالک کو یکجا ہوکر اسرائیل کے خلاف متحد ہونے کی تاکہ فلسطین پر ہو رہے ظلم کو روکا جا سکے اور بیت المقدس کی حفاظت کی جا سکے۔
