Gyanvapi Masjid Case: عدالت کا مدعی اور وکیل کمشنر کو اعتراضات پیش کرنے کا حکم

اترپردیش کے ضلع وارانسی میں مقامی عدالت کی ہدایت پر گیان واپی مسجد احاطے میں ویڈیو گرافی کا کام ہفتہ کو دوسرے دن بھی جاری رہا۔ حالانکہ مسجد انتظامیہ کمیٹی کی جانب سے کورٹ کمشنرکو تبدیل کرنے کے لیے عدالت میں ایک عرضی بھی داخل کی گئی ہے۔Gyanvapi Masjid Case

وارانسی: گیانواپی مسجد-شرینگار گوری سروے کے معاملے میں انجمن انتظامیہ مساجد کی عرضی نمبر 56 (گ) پر ہفتہ کو دلائل کے بعد عدالت نے اس معاملے میں اگلی تاریخ 9 مئی مقرر کی ہے۔ سول جج سینئر ڈویژن روی کمار کی عدالت نے انجمن انتظامیہ مساجد کی طرف سے دی گئی درخواست پر سماعت کرتے ہوئے مدعی اور کورٹ کمشنر کو اعتراضات پیش کرنے کا حکم دیا ہے۔Gyanvapi Masjid Case

اس سلسلے میں انجمن انتظامیہ مساجد کمیٹی کے وکیل معراج الدین صدیقی نے بتایا کہ سول جج سینئر ڈویژن روی کمار دیواکر کی عدالت نے ہماری درخواست 56 (گ) کی سماعت کے بعد مدعی اور کورٹ کمشنر کو اپنے اپنے اعتراضات کے ساتھ پیش ہونے کا حکم دیا۔ کیس کی اگلی تاریخ 9 مئی کو ہے۔ Muslim Side Requests To Court To Change Court Commissioner in Gyanvapi Masjid Case

اس سلسلے میں سوئمبھو لارڈ وشیشور کے وکیل وجے شنکر رستوگی نے بتایا کہ انجمن انتظامیہ مساجد کی جانب سے ایک عرضی دائر کی گئی تھی کہ کورٹ کمشنر کو تبدیل کیا جائے، جس پر عدالت نے کورٹ کمشنر اور مدعی سے اس حوالے سے تحریری اعتراضات طلب کرتے ہوئے 9 مئی کو عدالت میں پیش ہونے کا کہا ہے۔

وہیں انجمن انتظامیہ مساجد نے عدالت کے ذریعہ نامزد کورٹ کمشنر پر جانبداری کا الزام لگایا۔ کمیٹی کا یہ بھی کہنا ہے کہ کورٹ کمشنر، عدالت کے فیصلے سے الگ ہٹ کر کام کر رہے ہیں۔ سول جج سینئر ڈویژن کی عدالت میں اس معاملے پر آج سماعت ہوئی اور اس میں وکیل کمشنر اور مدعی کا موقف سننے کے لیے وقت دیا گیا ہے۔ ساتھ ہی عدالت نے سماعت کی اگلی تاریخ 09 مئی مقرر کی ہے۔ اس درمیان عدالت نے سروے کا کام روکنے کی درخواست کو منظور نہیں کیا۔

واضح رہے کہ عدالت کی ہدایت پر گیان واپی احاطے میں شرنگار گوری اور دیگر مذہبی چیزوں کی ویڈیوگرافی کا کام جمعہ کو شروع ہوا تھا۔ اس کام کے لیے نامزد ایڈوکیٹ کمشنر کو اپنی رپورٹ عدالت کے سامنے پیش کرنی ہے۔ اس کے بعد 10 مئی کو سماعت ہوگی۔ ویڈیو گرافی کے دوسرے دن اس احاطے میں سکیورٹی کے پختہ انتظامات کیے گئے تھے۔ پولیس نے نقض امن کے پیش نظر ایک شخص کو حراست میں لیا ہے۔