مسلم جوڑے کو پاکستانی کہہ کر ذلیل کرنے کا معاملہ

ریاست اترپردیش کے شہر غازی آباد کے سہانی گیٹ تھانہ علاقے میں اپنے بقایے رقم کی ادائیگی کا مطالبہ کرنے گئے ایک مسلم نوجوان اور انکی اہلیہ کے ساتھ مقروض شخص نے بدسلوکی کی اور ان کو پاکستانی کہا۔

مشرقی دہلی کے منداولی علاقہ کے رہنے والے یامین ٹرانسپوٹر کا کام کرتے ہیں، یامین کی ٹرانسپورٹ کی گاڑیاں غازی آباد کے نہرو نگر کے کانٹریکٹر رویندر ناگر کے یہاں کھڑی تھیں، گاڑیوں کا 39 ہزار روپئے رویندر پر بقایا تھا۔

یامین نے بتایا کہ متعدد بار فون کرنے کے بعد بھی رویندر رقم کی ادائیگی کرنے سے انکار کر رہا تھا اور نا ہی دفتر میں ملاقات کرتا تھا۔

یامین اپنہ اہلیہ کے ساتھ غازی آباد ایک رشتہ دار کو چھوڑنے گئے تھے، جس کے بعد وہ اہلیہ کے ساتھ رویندر کے گھر گئے لیکن رویندر نے ان کے لئے گھر کا دروآزہ نہیں کھولا تاہم بار بار دروآزہ کھٹکھٹانے سے وہ ناراض ہو گیا۔

الزام ہے کہ رویندر گھر سے باہر آیا اور یامین کی پٹائی کرنی شروع کر دی، اسی دوران یامین نے 112 نمبر پو فون کر پولیس کو بلایا۔

یامین نے بتایا کہ پولیس کے سامنے ہی رویندر نے یامین اور ان کی اہلیہ کو پاکستانی کہا اور ان کے ساتھ بد سلوکی کی۔

یامین کی شکایت پر پولیس نے ملزم رویندر کے خلاف تھانہ سہانی گنج میں ایف آئی آر درج کر لی ہے۔