مرادآباد میں 'جشن صبر و وفا' کے عنوان سے محفل کا انعقاد

اتر پردیش کے مرادآباد ضلع میں 'جشن صبر و وفا' کے عنوان سے ایک محفل کا انعقاد کیا گیا۔ جس میں مقامی وبیرونی شعراء کرام نے اپنا نذرانہ عقیدت پیش کیا۔

محفل میں عقیدت مندوں نے کثیر تعداد میں شرکت کی۔ خدا کے آخری نبی حضرت محمد مصطفی صلی اللہ علیہ وسلم کے نواسے امام حسین اور ان کے چھوٹے بھائی حضرت عباس علیہ السلام کی یوم پیدائش کے سلسلے میں مرادآباد ضلع کے محلہ لاکڑی والان میں ماسٹر نسیم حیدر کی جانب سے ایک محفل منعقد کی گئی۔

محفل میں 'امام حسین علیہ السلام کی سیرت اور ان کے بھائی حضرت عباس کی وفا' کے عنوان پر شعراء کرام نے اپنے اپنے اشعار پیش کیے۔

محفل کی ابتدا مولانا شکیل صاحب نے تلاوت قرآن پاک سے کی۔ محفل کی صدارت مولانا مجتبیٰ حسن نے کی۔ محفل میں نظامت کے فرائض منظر عباس زیدی صاحب نے انجام دیے۔ محفل میں شعراء کرام کو لوگوں نے اپنی دعاؤں سے نوازا اور خوب داد و تحسین دی۔