رامپور: پٹرول پمپ مالک کے بھائی کا بے رحمی سے قتل

رامپور کے کیمری علاقے میں پیٹرول پمپ مالک کے بھائی کو کچھ نامعلوم حملہ آوروں نے لاٹھی ڈنڈوں سے حملہ کرکے قتل کر دیا، پولیس معالے کی تفتیش کر رہی ہے ۔

ریاست اترپردیش میں ضلع رامپور کے کیمری علاقے میں پیٹرول پمپ مالک کے بھائی کا کچھ نامعلوم حملہ آوروں نے لاٹھی ڈنڈوں سے حملہ کرکے قتل کر دیا۔ جس سے علاقے میں دہشت کا ماحول ہے ۔

اطلاعات کے مطابق مہلوک پرویش کمار اپنے بھائی کے پیٹرول پمپ سے دیر رات موٹر سائیکل سے گھر کھیم پور گاؤں جارہا تھا۔ اسی درمیان راستہ میں کچھ نامعلوم افراد نے اس پر لاٹھی ڈنڈوں سے حملہ کرکے قتل کر دیا۔

مقامی لوگوں کی اطلاع پر جائے وقوع پر پہنچی پولیس نے معاملے کا جائزہ لیتے ہوئے لاش کو قبضہ میں لے کر پوسٹ مارٹم کے لئے ضلع ہسپتال روانہ کر دیا اور معاملے کی تحقیقات شروع کر دی